2010-04-14 08:54:18
Fylkesvegplan for Telemark 2011-2019 - Kva skal prioriterast på vegnettet i Telemark
Telemark Fylkeskommune har no lagt ut plan for fylkesvegane til høyring. Dokumentet trekker opp linenen for kva som skal prioriterast på Fylkesvegnettet dei neste 8 - 10 åra.
Etter at Fylkeskommunen overtok ansvaret for riksvegnettet, og dette vart omklasifisert til Fylkesvegar, representerar det vi i dag kallar fylkesvegnettet ein særs stor del av vegnettet i Fylket. Alle vegar utanom Stamvegane (Rv 36, Rv 41, E 134 og E 18), er omfatta av det nye omgrepet. Det betyr at når ein no legg føringar for fylkesvegnettet dei neste 8 åra vil dette påvirke alle som er opptatt av vegar i Telemark.
Høyringsutkastet følgjer vedlagt denne nyhetssaka, og vil vere utgangspunkt for høyringsuttala til Vest-Telemark Næringsforum.
Generelt meiner VTNF at ein må stoppe vidare nedbryting av fylkesvegane i Telemark, og starte arbeidet med å ta att etterslepet (som er kostnadsrekna til 2,2 milliarder kroner !!) på dei viktigaste vegane i regionen der næringslivet er avhengige av effektive transportar. Det er i dag ei rekkje vegar som aukar kostnadane for næringslivet i regionen, og som hindrar effektive tranportar. Dette er med på å auke avstandsulempa verksemdene i Vest-Telemark har i utgangspunktet.
Vest-Telemark Næringsforum meiner vidare at følgjande må leggast til grunn ved prioritering av vegstrekningar:
- Vegnetttet funksjon for næringslivets transportar - gods
- Vegnettets funksjon for næringslivets transportar - reiseliv
- Vegnetttets funksjon som bindeledd for menneske og arbeidskraft mellom bygdesentra i Vest-Telemark.
VTNF vil i tida fram til 23. april vurdere høyringsforslaget, og ber om innspill frå medlemmer som måtte ha konkrete syn i saka.
Forslag til handlingsprogram kan du lese HER.
/p>
Utforming: kandesign