2010-03-05 11:57:45
Årsmøte i Vest-Telemark Næringsforum 25. mars kl 18.
Vest-Telemark Næringsforum arrangerar sitt årsmøte 25. mars 2010.
Tid kl 18.00, stad Quality Straand Hotel i Vrådal.
Vi vil kome nærare atende med sakliste for sjølve årsmøtet samt årsmelding og rekneskap. Tradisjonen tru vil ein også i år dele møtet i to; ein generell årsmøtedel med vanlege årsmøtesaker, og ein fagdel der vi inviterar til eit ope møte med fagleg innhald.
Årets temamøte startar kl 19, med følgjande tema:
Næringsutvikling i Vest-Telemark - ope dialogmøte
- Kva er viktig for ei vidare utvikling av Næringslivet i Vest-Telemark
I samband med rullering av næringsplanen for Vest-Telemark ønskjer ein å involvere næringslivet i regionen. Kva meiner næringslivet sjølv er dei viktigaste områda i tida framover. Kor treng vi tiltak ? Kva skal ein prioritere i den vidare utviklinga ?
I møtet vil vi invitere alle som har meiningar og innspill til å kome med desse. Dette er eit godt høve til å påvirke næringsutviklinga i Vest-Telemark.
VTNF oppmodar flest mogleg til å delta i dette rådgivande møtet. Dette er næringslivets høve til å gje næringsarbeidet i regionen eit innhald som passar næringslivet.
Set av tida, og møt opp til ein inspirerande og viktig møteplass for utvikling av næringslivet i Vest-Telemark.
Nærare informasjon om opplegg kjem i løpet av nær framtid
Utforming: kandesign