2010-03-01 08:57:14
Nytt Vest-Telemark Treff på Smuget i Oslo - 29. april 2010
(Foto: Arild Hansen)
Langsiktig marknadsføring av Vest-Telemark som arbeidsmarknad og buplass
For tredje år på rad vil det bli arrangert Vest-Telemark Treff på Smuget i Oslo. Treffet arrangerast i eit samarbeid mellom prosjekta "Vi snur vinden - fleire folk til Vest-Telemark" og "Rekruttering av arbeidskraft". Arrangementet er støtta av Vest-Telemark Rådet. Finansering er omsøkt Fellesfondet i Vest-Telemark.
Som tidlegare år er Vest-Telemark Treffet eit høve for kommunar og verksemder i regionen til å vise kva vi har å by på for potenisele heimflytterar.
Utviklinga i arbeidsmarknaden i Vest-Telemark tilseier at vi har eit stort behov for rekruttering i åra framover. Ei rekkje verksemder og kommunar melder om at sin stor del av arbeidsstokken går ut i pensjon dei neste 5 - 10 åra. Samstundes ønskjer mange arbeidsgjeverar å tilsette folk frå regionen, då dette ofte er meir stabil arbeidskraft som blir ei stund.
Vest-Telemark Næringsforum har gjennom fleire år jobba med å synleggjere Vest-Telemark som ein feles bu og arbeidsmarknad. Vi meiner Vest-Telemark treffet er eit viktig tiltak i så måte, som vender seg til ei viktig gruppe for rekruttering.
Vi kjem attende med meir informasjon om arrangementet, men noter datoen:
Torsdag 29. april 2010 - kl 18 på Smuget i Oslo.
Verksemder som ønskjer å ta del i arrangementet med stand for å synleggjere si verksemd må gjerne ta kontakt no.
For kontakt:
Rekruteringsprosjektet: Mail: olav@vtnf.no, Telefon: 35042400
Bygdelivsmeklaren: elisabeth.lid@vest-telemark.no, Tlf: 35068400
Utforming: kandesign